Русский язык Абхазский язык
Логотип Управления образования Администрации г.Сухум
УПРАВЛЕНИЕ ОБРАЗОВАНИЯ
АДМИНИСТРАЦИИ ГОРОДА СУХУМ
ОФИЦИАЛЬНЫЙ САЙТ
Аимадарақәа:
Иацҵаны
Аҟәа ақ.: Маҷавариани имҩаду,15
Аҭел:
+7(840)
226-42-77
Аҭел: +7(940) 921-91-41
Аҳасабеилыргарҭа: +7(840) 226-43-28
Афакс: +7(840) 226-29-15
Аҵәахра

Ажәабжьқәа

Адырра амш иазкыз агәырӷьаратә ныҳәа мҩаҧысит цәыббрамза 1 азы Аҟәа ақалақь ашколқәа зегь рҿы

Ақалақь ашкол ашҭақәа рҿы инеибеиҧшны аҳра ауан аныҳәатә лахҿыхра. Зықьҩыла аҵаҩцәа ргәы хыҭхыҭуа ирзыҧшын иҿыцу аҵарашықәс актәи аминуҭқәа.

Иаҳарак хадара зманы иҟаз ари амш актәи акласс ахь ицаз ахәыҷқәа рзы акәын.  Дара рзыҳәан раҧхьаӡа акәны игеит аҵәҵәабжьы. Ашколтә форма, ашәҭқәа, ашәыра ҧшӡақәа, иаарықәыршан игылоуп арҵаҩцәеи, ирзымдыруа аҷкәынцәеи аӡӷабцәеи, урҭ, ҳәарада, лассы еиҩызцәахап.  Ари ашықәс азы Аҟәа ақалақь аҩнуҵҟа актәи аклассахь иааиз ахәыҷқәа рхыҧхьаӡара наӡеит 900- ҩык рҟынӡа, уи 129-ҩык рыла еиҳауп ҵыҧх аасҭа. Ишаҧу еиҧш, ашкол аиҳабыреи арҵаҩцәеи ахәыҷқәа ирыдарныҳәалеит ари амш лаша.


Аныҳәа рхы аладырхәит Аҧсны аҳәынҭқарра ахаҭарнакцәа. Аҟәа ақалақь аиҳабы А.Р. Ҳаразиа даҭааит Е.А. Ешба ихьӡ зхыу 5-тәи абжьаратә школ. Аҟәа ақалақь ахадара аҵара аусбарҭа аиҳабы Л.Р.Адлеиба, Аҟәа ақалақь ахадара аусқәа рнапхгаҩы  С.А.Мерцхулаа ыҟан А.С.Пушкин ихьӡ зхыу 2-тәи абжьаратә школ Н.А.Лакоба ихьӡ зхыу 10-тәи ашьхарыуаа рышколқәа рҿы. Иара убас 2-тәи ашкол иаҭааит Аҟәа ақалақь ахада ихаҭыҧуаҩ Л.Гә.Кәарчиа, Преднестровиа Молдавиатәи ареспублика аҟынтәи асасцәа. Ақалақь иаҵанакуа ашколқәа зегьы ирҭааит аҵара аусбарҭа ахаҭарнакцәа. Ирабжьган ажәа ҟәышқәа, иарҳәан агимн, ишьҭырхит абираҟ, арҵаҩцәа иранашьан ашәҭ ҧшӡақәа.  Игеит  аҵәҵәабжьы, иалагеит иҿыцу аҵара ашықәс. Мҩамш!


Шьҭахьҟа