Русский язык Абхазский язык
Логотип Управления образования Администрации г.Сухум
УПРАВЛЕНИЕ ОБРАЗОВАНИЯ
АДМИНИСТРАЦИИ ГОРОДА СУХУМ
ОФИЦИАЛЬНЫЙ САЙТ
Аимадарақәа:
Иацҵаны
Аҟәа ақ.: Маҷавариани имҩаду,15
Аҭел:
+7(840)
226-42-77
Аҭел: +7(940) 921-91-41
Аҳасабеилыргарҭа: +7(840) 226-43-28
Афакс: +7(840) 226-29-15
Аҵәахра

Ажәабжьқәа

АҞӘА АҚАЛАҚЬ АХАДАРА АҴАРА АУСБАРҬА АИҲАБЫ А.ҬАРКЬЫЛ АУШЬҬЫМҬАЦӘА РАХЬ ИҞАЛҴАЗ АДНЫҲӘАЛАРА

Акыр иаҧсоу аушьҭымҭацәа!

Ишәыдаҳныҳәалоит шәыҧсҭазаараҿы иҟалаз, акырӡа зҵазкуа ахҭыс ду, ахҭыс гәырҕьахә. Иахьатәи амш инаркны шәышьҭахьҟьа иааншәыжьит шәхәыҷра, шәанылеит иуадаҩу, аха аҧсҭазааратә хҭыс дуқәа зцу, ҳәаак змам иаарту амҩа.

Шәара, иахьатәи аҿар, насыҧ ду змоу, аҧсадгьыл ахақәиҭреи ахьыҧшымреи ирылиааз ҿарацәоуп. Шәыҧсадгьыл хазынаҿ, ишәызгәакьоу, гәыҕрала ишәзыҧшу шәҭаацәараҿ шәгылоуп, зегьы шәрықәиҭуп, зегьы шәрылахәуп.

Ишәхашәмыршҭын, иахьатәи амш аагаразы шәабацәа, шәабдуцәа ишкарҭәаз иҧшьоу ршьацқьа.

Акыр иаҧсоу ҳхәыҷқәа, ҳҿарацәа, ишәхашәмыршҭын шәыҧсадгьыли шәуаажәлари ҧхьаҟатәи реизҳара , рлахьынҵа, рҧеиҧш шәара шәнапаҿы ишыҟоу. Адунеи ду ҭбаауп, акраҵанакуеит, убасҵәҟьа иҭбаауп иахьа шәызныло шәымҩагьы. Аха шәахьыҟазалакгьы шәгәы иҭаз, цәымзаркырак еиҧш шәаҧхьа ишәыргылала шәызхылҵыз, фырхаҵара згым шәыжәлар, шәыҧсадгьыл Аҧсны, адунеи иақәлоу, ҵыси ҳәыҳәи зырцәажәахьоу шәбызшәа хазына – Аҧсуа бызшәа! Егьабзиареи, егьамали, егьатәылеи шәрықәшәаргьы аҧхьа ишәыргылала шәыҧсадгьыли шәыжәлари…

Ауаҩреи аҧсуареи шәыгымхааит! Ижәдыруаз, шәара шәзааӡаз зџьабааи, згәабзиареи, заамҭеи шәықәзырӡыз шәҭаацәа, шәырҵаҩцәа, шәыҧсадгьыл рылаҧш хаа шышәху. Шәықәҿиарақәа дара ирықәҿиараны ишрыхәаҧшуа, ишреигәырҕьо, амч ҷыда шрыланаҵо. Шәара шәыгхақәа дара рылахь шеиқәнаҵо, игәырҩацәгьаны ишырзыҟало.

Мҩамш, мҩалаша шәықәлааит ҳхәыҷқәа, ҳаҧсҭазаара лашырбагас иамоу ҳҿар – ҳаушьҭымҭацәа!

Шәыбзиаӡбахә ҳаҳалааит ес-шар ,ес-хәлар!

Хәашьра зқәым мҩалаша!

Ҳаҭырла,

Аҟәа ақалақь ахадара

Аҵара аусбарҭа аиҳабы

А.Ҭаркьыл

«Аҵыхәтәантәи аҵәҵәабжьы» Аҟәатәи аушьҭымҭацәа рзы игоит рашәарамза 29, асааҭ 9:00 рзы.


Шьҭахьҟа